رواية انتقام شيطاني الفصل الحادي عشر 11 بقلم هنا عادل
رواية انتقام شيطاني الجزء الحادي عشر
رواية انتقام شيطاني البارت الحادي عشر
رواية انتقام شيطاني الحلقة الحادية عشر
الفصل الحادى عشر
الاخيررررررررررررررررررررررررررررررررررر
انتقام شيطانى
كانت السحب الرمادية
بتتشكل مرة تانية
وبتتكون مرة تانية
وبيظهر جسم شخص قدامى
من غير رأس
ركزت عيني فى المرايا
ومستنى اشوف جمال للمرة التانية
لكن لاء مش ده اللى حصل
لكن الرأس اللى اتشكلت على الجسم اللى فى المرايا
كانت ملامحه مش ملامح جمال
ملامحه كانت خاصة بيا انا
ايوة ده وشى انا
انا عارف ان مصيري هيكون جوة المرايا الملعونة دى
لقيت نفسى فاتح عنيا على اخرها
وصوتى مكتوم
وانا باصص فى المرايا بمنتهى الرعب
قربت لخطوات علشان اتأكد من اللى انا شايفه ده
طيب ليه عنيا ميتة كده
باين ان مفيهاش اى نوع من انواع الحياة
باهتة
حتى اللمعة اللى فيها اختفت
ولما اتأكدت من ان فعلا انا اللى فى المرايا
حسيت ان دماغى هتنفجر
بقيت بضغط عليها وانا مش عارف استوعب كل اللى بعيشه لواحدى
كانت العين الميتة بتبص ليا بشكل مخيف ومرعب
وبرغم انى متعود على ملامحى فى المرايا
الا ان نظرتى الخارجة من المرايا كانت بتخلينى ارتجف
لقيت نفسى بتكلم مع المرايا وكأنى مجنون
هو انا ميت
انا ايه اللى دخلنى جوة المرايا
علشان تخرج ضحكة مخيفة من المرايا المرعبة
ويتردد صوت مزعج.انت فى عداد الاموات
انت الضحية السابعه
انت القربان الاخير
جو.قربان اخير يعنى ايه
انا فى المرايا.مش طلبت منك تساعدني
انت يا جو اللى هتساعدنى اخرج من هنا
انت
اخر مراحل القداس الاحمر
جو.يعنى ايه اخر مراحل القداس الاحمر
انا عايز اخلص من اللى انا فيه ده
مش هقدر اتحمل اكتر من كده
الصوت الخارج من المرايا.انت السبيل لأستحضار الشيطان
جو بيكمل الحكاية وهو بيقول بعد اللحظة دى لقيت نفسى بخرج من الاوضة
مش عارف انا رايح فين
ولا ايه اللى ممكن اكون هقابله برة الباب ده
لكن لازم احاول
خرجت كانت جثث المجموعة كلها مرمية قدامى فوق بعض
كان المنظر مؤلم جدا
لكن قبل ما اسيبهم واهرب
سمعت صوت رنة تليفون
خارجة من جثة حد من المرميين على الارض
جمال مختفى مالهوش اثر
مش عارف ازاى قدرت اقاوم الرعب اللى جوايا
وحاولت اوصل للتليفون
ابتديت امد ايدي اتحسس جيوب كيرو
ولقيت تليفونه
لكن لما بصيت فيه
كان مفيش اى حاجة وصلت عليه
وحاولت للمرة التانية اوصل لجيب مايك
علشان الاقى تليفونه
اللى اخدته
واستلمت عليه الرسالة اللى وصلت من صديقه
اللى حاول يتصل بيه اكتر من مرة علشان يحذره لكن فشل
واخيرا عرفت اللى بيحصل تفسيره ايه
كان نص الرسالة كالأتى.جمال ده من عبدة الشيطان
فى احدى الحفلات اللى كانت مقامة داخل القصر اللى انتم موجودين فيه
واثناء تقديم القرابين لأستحضار قوى الشر العظمى
اللى هو الشيطان
كان جمال المسؤول عن الطقوس
واثناء انشغاله بالطقوس
وسهوه فى الاستحضار وقتل القرابين
قام بذبح اخوه
ومحسش ان الضحية السادسة كانت اخوه غير لما صاحبته هى اللى بتسأله
انت غيرت ترتيب القرابين
ركز جمال للجملة بتاعتها وبص للقربان اللى لسه دابحه
وشافه اخوه الوحيد
ولأن جمال كان هو السبب فى دخول اخوه للعالم ده
طمعا فى الوصول لخالق الكون من وجهة نظرهم واعتقاداتهم التى لا اساس لها
وبالترتيب بين جمال وبين اخوه وجدى
كان الاتفاق على ان وجدى اللى لسه فى الجامعة يقدر يسيطر على عقول زمايله
ويوصلهم للمرحلة اللى فيها يقتنعوا بأنهم يؤمنوا بالشيطان
لكن فى لحظة غفلة وكأنه عقاب لوجدى وجمال
قام جمال بذبح اخوه وتقديمه كقربان
ومع صدمته
مقدرش يكمل الطقوس
وبكده قوى الشر العظمى اتحبست بين البوابة بتاعت عالمهم وعالمنا
وجمال بعد ما وصل لمرحلة الانهيار كان صعب انه يكمل تقديم اخر قربان علشان يساعد الشيطان على الخروج
ومن وقتها وهو بيحاول يوصل لمرحلة تقديم عدد القرابين مرة اخرى
لأن القوى الشيطانية مسيطرة عليه وعلى حياته
بسبب احتجاز الروح الشيطانية بين بوابات العالمين
وكانت تجربتكم هى البوابة اللى هيقدر بيها جمال يخرج الشيطان من زنزانته
وعايز احذرك
من دميانة وديفيد
هما اللى كانوا بيأجروا القصر للجماعات دى مقابل اجور مادية
بعيد عن علم السلطات
حاولوا تتخلصوا من جمال
قبل البدء فى تقديم القربان
يحاول حد منكم يقنعه انه وجدى
ولو حصل ده واقتنع جمال واتشتت
مش هيقدر يكمل الطقوس
وقتها هتقدر تفصله عن الطقوس
وهيكون هو رهينة الشيطان
حاولوا تنقذوا نفسكم
كل الرسالة اللى جت على ايميل مايكل
كنت بقراها وانا مش قادر اصدق نفسى
كل اللى كانوا معايا واتقتلوا بالشكل البشع ده
كانوا عبارة عن قربان لخروج الشيطان
ازاى مفكرتش فى كده
بس ازاى انا هفكر فى كده
ازاى هصدق ان ده حقيقي
وبيحصل
لكن مفيش وقت لكل ده
اخرج من هنا
وبعدين اعرف اذا كان ده حقيقي او لاء
بيكمل جو كلامه
ابتديت امشى فى الممر بمنتهى الهدوء
على امل انى هخرج من القصر
هربان
ومن غير ما اتعرض للطقوس اللى قريت عنها فى الرسالة
لكن صدمنى
كاسات الدم اللى موجودة فى بداية ممر السلم
وبتوصل لحد بوابة المرايا الملعونة اللى كانت عندى فى الاوضة
اللى اخيرا فهمت ان هى دى البوابة اللى محبوس فيها الشيطان
حاول بمنتهى البطئ اتحرك علشان انزل اول درجة للسلم
لكن حسيت بأيد بتمسكنى بقوة
بصيت ورايا
وشوفت جمال
بعنيه ونظراته المخيفة
جمال بصوت مريب.مش قولتلك لسه عندنا طقوس محتاجة تتعمل
انت فاكر نفسك هتقدر تهرب مني
انت ميت يا جو
عارف يعنى ايه انت ميت
انا عيشت سنين بدور على الفرصة دى
ومش وقت ما تيجي هضيعها
جو بيحاول يتمالك اعصابه.وليه مدورتش على اللى عندهم نفس معتقداتك
جمال بأستغراب ان جو فهم هو بيعمل ايه.اى معتقدات اللى بتتكلم عنها
جو.استحضار ارواح الشر
استحضار الشيطان
جمال.قصدك المالك الاعظم
قوى الشر العظمى
غيابى عن الطقوس لفترة خلانى افقد علاقتى بالمجموعة بتاعتى وحتى اى وسيلة تواصل
وده كان السبب فى انى اضطر ادور على مجموعة جديدة
وكان مش سهل ابدا عليا انى اقدر اقنع حد انه يوصل لحد هنا بسبب تاريخ القصر
لكن انت سهلت عليا مهمتى جدا
لأن انت اللى جيت برجليك انت ومجموعتك لحد هنا
عرفت عنك كل حاجة
وعرفت عن طريق ناس معينة بتشتغل فى المركز معاك
الخطة اللى انت ناوى تتبعها فى المكان ده
وكان سهل جدا انى اوصل للشخص اللى انت اتفقت معاه على الخدع
انت عارف يا جو
الفلوس بتسهل اى حاجة ممكن تبان صعبة
وناس كتير من اللى حواليك ويعرفوا افكارك
كان هدفهم الفلوس
ودى انا عندى منها كتير
واخيرا جينا هنا
والحقيقة انت سهلت عليا الامور جدا
كنت جايبلى اشخاص ضعيفة جدا
محاولوش يقاوموا ان حياتهم تنتهى
استسلموا بمنتهى السهولة
وخلاص
انت الاخير
انت اللى هتفتح البوابة بين العالمين
انت اللى هتكون سبب انى اقابل مليكي
انت المفتاح يا جو
بيكمل جو
فجأة سحبنى جمال على الارض
وكأنه عارف خطواته
اللى كانت بتبعد تماما عن كاسات الدم
ودخلنى الاوضة اللى كان مكانها موجوده المرايا الملعونة
محاطة بشموع
نفس الشموع اللى كانت فى الممر
وكل شمعة قصادها كاس مليان بالدم
وبين الشموع وكاسات الدم
ممر صغير لدايره مرسوم فيها النجمة الخماسية
سابنى جوة الدايرة مرمي على الارض
وحاسس انى متكتف
وخرج من الدايرة وهو بيقفل الممر الصغير بشموع تانية وكاسات دم تانية
واتوجه لطاولة صغيرة
عليها سكينة ضخمة
ومن حروفها بيقطر الدم
جمال بضحكة مريبة.شايف الدم الخاص بصاحبك يا جو
دلوقتى هيغطيه الدم بتاعك
بمجرد ما دمك يغطى فراغات الشموع
هتفتح البوابة
كنت حاسس فى اللحظة دى
انى مش هعرف اقاوم جمال
مش هعرف اهزمه
مش هعرف اشتته
كنت بفكر انى استسلم
بس للأسف حسيت انى لو عملت كده
وبرغم انى مكنتش بقتنع بوجود عالم الشياطين
الا انى ممكن اكون سبب فى خروج قوى شريرة لعالمنا
ويمكن يكون صعب السيطرة عليها
مش عارف اذا كان ده حقيقي او لاء
مجرد تخاريف او واقع
لكن سيطرت عليا الفكرة
وبرغم انى مرمى على الارض تحت رجل جمال
وشايف السكينة وقطرات الدم بتنزل منها على الارض
وصوت موسيقى مزعجة بالنسبالى
وهى موسيقى تسمى بالميتال
هى مالهاش علاقة بعبادة الشيطان
لكن كانوا بيعتمدوها فى تنفيذ طقوسهم
دخل جمال الدايرة اللى انا نايم فيها على ربسمة النجمة الخماسية
وهو ماسك فى ايديه
العين الثلاثية
او بالمعنى الحرفى لجماعتهم
انها عين الشيطان
كانت فى ايديه
وبمنتهى الهدوء سابها فوق رأسى
فى اللحظة دى لاحظت النقوش المرسومة على مقبض السكينة الاسود اللى فى ايديه
بعد ما خرجت عرفت ان السكينة الخاصة بتقديم القرابين
لازم بيكون محفور عليها كلمات شيطانية
وقف جمال عند رجليا
وهو رافع السكينة بأيد
وبالأيد الثانية ثنى صوابع ايديه الوسطى
وهو بيرفع السبابه والاصبع الصغير
عرفت فيما بعد انه بالحركة دى بيحاكى قرون الشيطان
وابتدا جمال يقول كلام مش مفهوم
وانا باصص فى عنيه
وهو مركز جو عنيا
لقيت نفسى فجأة بتكلم.جمال
هتخلص مني مرة تانية
هتدبحنى مرة تانية
هتقدر تقدم اخوك قربان للشيطان بعد العذاب اللى شوفته بسببه
عايز تخرجه للعالم بتاعك علشان يخلص منك
زى ما قدر يسيطر عليك ويوصلك انك تقتلنى
فى اللحظة دى جمال اللى كان لسه باصص فى عنيا
ابتدا يتلغبط فى الكلام اللى بيقوله
لكن مكمل فيه
وانا لما لاحظت انه ابتدا يتلعثم فى الكلام
ابتديت اضغط عليه اكتر
حسيت ان ممكن يكون فيه فرصة
وكملت كلامي.جمال
هتدبحنى
انا موافق
بس تفتكر هتوصل لأيه بعد ما تخرجه من البوابة
بعد ما اتحبس سنين طويلة بسببك
بعد عذابه بين عالمين مش عارف يوصل لواحد منهم
تفتكر هيسامحك
تفتكر عقابه ليك هيكون سهل
يا جمال
انا من اتباعه وقدر يسيطر عليك علشان تدبحنى
انت السبب فى حبسه سنين
انت سبب فى تقييده سنين
مش هيرحمك
القدرة اللى كنت بتدور عليها مستحيل هتوصلها
هيخلص منك بأصعب طريقة ممكن تخطر على بال انسان
هيخلص منك محدش يفكر فيها غير شيطان
ابتدا جمال يسكت
ويسمع باهتمام وتركيز
ابتديت عنيه تبقى زايغة فى كل مكان
وكأنه بيحاول يقنع نفسه ان اللى بيحصل ده مش حقيقى
وانه لازم يكمل اللى بيعمله
لكن التباطؤ اللى حصل منه فى الطقوس
ده كان بوابة لخروج طاقة شيطانية
سيطرت على جمال
واتفاجئت فى لحظة
ان جمال بيغمض عنيه
وبيرفع ايديه بالسكينة لفوق
فى اللحظة دى انا غمضت عيني
لكن فاتت لحظات وانا مغمض ومستني السكينة تغرز فى قلبى
زى باقى الضحايا اللى قتلها جمال
وفتحت عينى على صوت حاجة اتهبدت على الارض
ايوة
هو فعلا
جمال
واقع على الارض
عكس الاتجاه اللى انا نايم فيه
لقيت نفسى بقوم بمنتهى السرعة من على الارض
وببص على جمال اللى مرمي قدامى
غرقان فى دمه
وهو غارز السكينة فى نفس المكان اللى كان بيقتل بيه المجموعة بتاعتى
خلصت حياته فى لحظة
قتل نفسه وانتقم منه الشيطان اللى كان عايز يخرجه لعالمنا
كان جمال يستاهل يموت مليون مرة مش مرة واحدة
كان محتاج يكون عذابه اكتر من كده بكتير
لكن للأسف مات موتة واحدة
مات بضربة واحدة
مات بعد ما خلص على 6 اشخاص مالهمش اى علاقة بمعتقداته القذرة
مات وساب شيطانه محبوس فى البوابة بين عالمنا وعالمهم
محاولتش افكر كتير
او افضل واقف فى مكانى اتفرج عليه واحس بلذة موته
لكن كل اللى عملته انى خرجت من باب الاوضة دى
خرجت عايز احاول اخرج من باب القصر
فى نفس اللحظة اللى وصل فيها صديق مايكل اللى بعتله الايميل اللى فيه التفاصيل الخاصة بجمال
ومعاه قوة كبيرة من الشرطة
وفى اقل من ساعتين كنت انا والجثث اللى تجربتى اتسببت فى وجودهم فى المكان ده
برة القصر الملعون
ومعاهم جثة جمال
ومع فتح التحقيقات
بعد ما عرفوا المعلومات اللى وصلها صديق مايكل
عن طريق حد كان له علاقة بشخص من مجموعة وجدى فى الكلية اللى سيطر وجدى عليهم لفترة واثر على معتقداتهم
وصلوا اخيرا لوجود الجثة الخاصة بوجدى
لأن فى وقت ما حصلت المذبحة فى القصر ده
واللى كان اخر قربان متقدم فيها هو وجدى
اكتشفوا انهم اتدفنوا فى ارضيه النافورة اللى فى الجنينة
وده تم بمساعدة ديفيد ودميانة
اللى كانت دايما بتهتم بأنها ترمي الزهور فى الحوض بتاعها
ولأن القصر كان محدش بييجى يزوره
كان كل فترة جمال بيروح القصر وهو معاه الزهور اللى كانت ماليه حوض النافورة
كنوع من انواع الاعتذار
وده كان اعتراف من ديفيد ودميانة بعد القبض عليهم
كانت قضيه صعبة
من بعدها وبعد خروجي منها
والوصول لكل الحقايق اللى اثبتت انى كنت ضحية مش متهم
خرجت من السجن
بعد ما قعدت بيه فترة لا يستهان بها بالنسبة لشخص مر بالظروف دى كلها
لكن خرجت وانا نفسيا مش مهيأ لأى حاجة غير انى اعتزل كل حاجة حواليا
مش بس كده انا فعلا احتاجت فترة علاج نفسى طويلة
واحساسى بالذنب من ناحية الاشخاص اللى اتقتلوا بالطريقة الوحشية دى
كان بيعذبنى
لأنهم من غير فكرتى
ورغبتى فى الوصول لنتيجة تجربتى الخاصة
كانوا مستحيل يوصلوا للمكان ده من نفسهم
لكن للأسف انا كنت السبب
اه اتسببت فى موت اشخاص بريئة
وكنت سبب فى موت جمال
وكنت انا السبب فى انتقام الشيطان منه
قريت كتير فى عزلتى عن عبدة الشيطان ومعتقداتهم
ووصلت لحاجات خطيرة عنهم وعن طقوسهم
اتمنيت لو انى معرفتهاش
لكن فى النهاية عرفت ان نهاية الاشخاص اللى بيتبعوا المعتقدات دى دايما بتكون صعبة جدا زى الطريق اللى بيمشوا فيه
دايما بتكون نهايات مؤلمة يستحقوها
فكرة الغائهم لوجود الخالق
والايمان بس بالشيطان
وبقدرته اللى بيكونوا موهومين بوجودها
بتكون دايما سبب من انتقام الوهم ده منهم
وبيكون عقابهم مستحيل يحتمل
لكن هما يتستحقوه
واخيرا وصلنا للفترة اللى قدرنا نتحكم فيها من الحد من الطوائف القذرة دى
ان لم يكن قضينا عليها
بنسمع فى بعض البلاد انها ممكن تكون موجودة
لكن ملمسناش وجودها بشكل مادى
كانت نهاية جمال
ونهاية المجموعة بتاعتى
ونهايتى المهنية
والنفسية للأسف
ولأنى حاولت اساعد نفسى على التخلص من العقدة اللى حصلت فى حياتى
قررت انى احكي الحكاية ليكم من بدايتها لنهايتها
وانا فى اوضتى الخاصة بيا للعلاج فى مركز العلاج النفسى اللى كنت فى يوم دكتور فيه
تمت
اتمنى بقى تكون عجبتكم
لقراءة الرواية كاملة اضغط علي : (رواية انتقام شيطاني)
